മനാമ: മീഡിയ വണ്‍ ചാനല്‍ ജി.സി.സി തലത്തില്‍ അവതരിപ്പിക്കുന്ന 'പ്രവാസോത്സവം 2017' നവംബര്‍ 17ന് ബഹ്‌റൈനില്‍ നടക്കുമെന്ന് സംഘാടകര്‍ വാര്‍ത്താസമ്മേളനത്തില്‍ അറിയിച്ചു.
വിവിധ ജി.സി.സി രാജ്യങ്ങളില്‍ പതിനായിരങ്ങള്‍ക്ക് കലയുടെയും സംഗീതത്തിന്റെയും വിസ്മയ രാവൊരുക്കി ബഹ്‌റൈനിലെ ഇന്ത്യന്‍ സ്‌കൂള്‍ ഗ്രൗണ്ടിലാണ് പരിപാടി സംഘടിപ്പിക്കുന്നത്.

കേരളത്തിന്റെ സാംസ്‌കാരിക പൈത്യകവും സംഗീത പാരമ്പര്യവും അനാവരണം ചെയ്യുന്ന നാലു മണിക്കൂര്‍ നീണ്ടുനില്‍ക്കുന്ന ദൃശ്യവിരുന്നിനോടൊപ്പം കലയുടെ സാധ്യതകളെ മനോഹരമായി ദ്യശ്യവല്‍ക്കരിച്ച് അണിയിച്ചൊരുക്കുന്ന ഹൃദ്യമായ പരിപാടിയായിരിക്കും പ്രവാസോത്സവമെന്നും സംഘാടകര്‍ അറിയിച്ചു. സ്വദേശി പ്രമുഖരടക്കം വിശിഷ്ട വ്യക്തിത്വങ്ങള്‍ പരിപാടിയില്‍ സംബന്ധിക്കും.