മണ്ണഞ്ചേരി: വാഹനാപകടത്തില്‍ യുവാവിന് ഗരുതരപരുക്ക്.സഹയാത്രികനായ നവവരന്‍ അത്ഭുതകരമായി രക്ഷപ്പെട്ടു. ഇന്നലെ പുലര്‍ച്ചേ ഒരുമണിക്ക് പാതിരപ്പള്ളി ജംങ്ഷനിലായിരുന്നു അപകടം. മണ്ണഞ്ചേരി പഞ്ചായത്തില്‍ 13 -ാം വാര്‍ഡില്‍ കിഴക്കേമറ്റത്തില്‍വീട്ടില്‍ ഓമനക്കുട്ടന്റെ മകന്‍ ഗോകുല്‍(23) നാണ് പരിക്കേറ്റത്.   ബൈക്കില്‍ ഒപ്പം സഞ്ചരിച്ച സുഹൃത്തും നവവരനുമായ രാജേഷ് അത്ഭുതകരമായി രക്ഷപ്പെടുകയായിരുന്നു. പാതിരപ്പള്ളി ജംങ്ഷനില്‍ വച്ച് ഇവര്‍ സഞ്ചരിച്ച ബൈക്കില്‍ എതിരേയെത്തിയ എയ്‌സ് വാന്‍ ഇടിച്ചായിരുന്നു അപകടം. ഇടിയുടെ ആഘാതത്തില്‍ തെറിച്ചുവീണ ഗോകുലിന് തലയ്ക്കും കാലിനുമാണ് പരിക്കേറ്റത്. രാജേഷിന്റെ വിവാഹത്തിനുള്ള ഒരുക്കത്തിന്റെ ഭാഗമായി വീടിന്റെ നിര്‍മ്മാണം നടക്കുകയാണ്. രാത്രിയിലും ജോലിചെയ്യുന്ന തൊഴിലാളികള്‍ക്ക് ഭക്ഷണം വാങ്ങാന്‍ പോകുമ്പോഴായിരുന്നു അപകടം. പരിക്കേറ്റ ഗോകുലിന് ആലപ്പുഴ വണ്ടാനം മെഡിക്കല്‍ കോളേജില്‍ തീവ്രപരിചരണവിഭാഗത്തില്‍ പ്രവേശിപ്പിച്ചു. ആലപ്പുഴ ട്രാഫിക് പൊലീസ് കേസെടുത്തു.