ഹൈദരാബാദ്: അടുത്ത വര്‍ഷം നടക്കാനിരിക്കുന്ന നിയമസഭാ തെരഞ്ഞെടുപ്പില്‍ മത്സരിക്കാന്‍ മുന്‍ ഇന്ത്യന്‍ ക്രിക്കറ്റ് ടീം ക്യാപ്റ്റന്‍ മുഹമ്മദ് അസ്ഹറുദ്ദീന് കോണ്‍ഗ്രസിന്റെ ക്ഷണം. നിയമസഭാ തെരഞ്ഞെടുപ്പില്‍ അദ്ദേഹം താല്‍പര്യം പ്രകടിപ്പിച്ചിരുന്നു. അത് പാര്‍ട്ടി അംഗീകരിക്കുന്നുവെന്നാണ് സംസ്ഥാന കോണ്‍ഗ്രസ് അധ്യക്ഷന്‍ എന്‍. ഉത്തംകുമാര്‍ റെഡ്ഡി പറഞ്ഞത്. തെലങ്കാനയില്‍ പ്രവര്‍ത്തിക്കുന്നതിനുള്ള താല്‍പര്യം അസ്ഹറുദ്ദീന്‍ അറിയിച്ചിരുന്നു. ഒരുമിച്ച് പ്രവര്‍ത്തിച്ചാല്‍ തെലങ്കാനയില്‍ കോണ്‍ഗ്രസ് വീണ്ടും അധികാരത്തില്‍ വരുമെന്നും അദ്ദേഹം പറഞ്ഞിരുന്നു.