വാഷിങ്ടണ്‍: 2016ലെ പ്രസിഡന്റ് തെരഞ്ഞെടുപ്പില്‍ ഫേസ്ബുക്കിന്റെ പിന്തുണ മുഴുവന്‍ ഹിലരി ക്ലിന്റനായിരുന്നുവെന്ന് യു.എസ് പ്രസിഡന്റ് ഡൊണാള്‍ഡ് ട്രംപ്. റഷ്യയിലെ ഹാക്കര്‍മാര്‍ സാമൂഹിക മാധ്യമങ്ങളായ ഫേസ്ബുക്കും ട്വിറ്ററും 2016ലെ അമേരിക്കയിലെ പ്രസിഡന്റ് തെരഞ്ഞെടുപ്പിനെ സ്വാധീനിക്കുന്നതിനായി ഉപയോഗിച്ചു എന്ന ആരോപണങ്ങള്‍ നില നില്‍ക്കേയാണ് ടംപിന്റെ പ്രതികരണം.

തെരഞ്ഞെടുപ്പില്‍ ലക്ഷക്കണക്കിന് ഡോളറാണ് ഹിലരി ചെലവഴിച്ചത്. തന്നെക്കാള്‍ കൂടുതല്‍ പണം ചെലവഴിച്ചത് ഹിലരിയാണെന്നും ട്രംപ് പറഞ്ഞു. ട്വിറ്റര്‍ വഴിയാണ് ട്രംപിന്റെ ആരോപണം.

അമേരിക്കന്‍ തെരഞ്ഞെടുപ്പിലെ റഷ്യന്‍ ഇടപെടലിനെ കുറിച്ച് നീതിന്യായ വകുപ്പ് നിലവില്‍ അന്വേഷണം നടത്തുന്നുണ്ട്. നീതിന്യായ വകുപ്പിലെ ഉദ്യോഗസ്ഥനായ റോബര്‍ട്ട് മുള്ളറിനാണ് അന്വേഷണ ചുമതല.