റിയാദ്: സഊദിയിലെ ഉന്നത പണ്ഡിത സംഭാംഗവും മുതിര്‍ന്ന പണ്ഡിതനായിരുന്ന ഡോ: ശൈഖ് സ്വാലിഹ് അല്‍ സദ്‌ലാന്‍ അന്തരിച്ചു. 80 വയസായിരുന്നു പ്രായം.

ഹൃദ്രോഗം കാരണം കുറച്ചു ദിവസങ്ങള്‍ക്ക് മുന്‍പ് റിയാദ് മെഡിക്കല്‍ സിറ്റിയില്‍ തീവ്രപരിചരണ വിഭാഗത്തില്‍ പ്രവേശിപ്പിച്ചിരുന്നു. ഹിജ്‌റ 1359ല്‍ ജനിച്ച ഇദ്ദേഹം 1386ല്‍ അല്‍ ഇമാം സര്‍വകലാശാലയില്‍ നിന്നും ബിരുദം നേടി.

കര്‍മ്മ ശാസ്ത്രത്തില്‍ 1386ല്‍ മാസ്റ്റര്‍ ബിരുദവും റിയാദ് ജുഡീഷ്യല്‍ ഇന്‍സ്റ്റിറ്റ്യൂട്ടില്‍ നിന്നും 1403ല്‍ കര്‍മ്മ ശാസ്ത്ര താരതമ്യ വിഭാഗത്തില്‍ നിന്നും ഡോക്ടറേറ്റും ലഭിച്ചു.