രാജ്‌നന്ദഗോണ്‍: ഛത്തീസ്ഗഢിലെ രാജ്‌നന്ദഗോണ്‍ ജില്ലയില്‍ സുരക്ഷാസേനയുമായുണ്ടായ ഏറ്റുമുട്ടലിനിടെ മൂന്ന് നക്‌സലുകളെ വധിച്ചു. കോപന്‍കട്ക ഗ്രാമത്തിലായിരുന്നു ഏറ്റുമുട്ടലെന്ന് പൊലിസ് അറിയിച്ചു. കഴിഞ്ഞ ദിവസം രാത്രി പത്തു മണിയോടെയായിരുന്നു ഏറ്റുമുട്ടല്‍.

ആന്റി നക്‌സല്‍ ഓപറേഷന്റെ ഭാഗമായി സുരക്ഷാസേന വനത്തില്‍ തിരച്ചില്‍ നടത്തുന്നതിനിടെയാണ് ഏറ്റുമുട്ടലുണ്ടായത്. ഇന്‍ഡോ ടിബറ്റന്‍ ബോര്‍ഡര്‍ പൊലിസുമായി ചേര്‍ന്നുള്ള സംയുക്ത തിരച്ചിലിനിടെയാണ് വെടിവയ്പ്പുണ്ടായത്.

നക്‌സലുകളില്‍ നിന്ന് എ.കെ 47 റൈഫിള്‍, ഇന്‍സാസ് റൈഫിള്‍,എസ്.എല്‍.ആര്‍ റൈഫിള്‍ എന്നിവ പിടിച്ചെടുത്തിട്ടുണ്ട്. ബസ്തര്‍ മേഖലയില്‍ നിന്നുള്ള രാകേഷ്, മഹേഷ്,രഞ്ജിത് എന്നിവരാണ് കൊല്ലപ്പെട്ടതെന്ന് പൊലിസ് അറിയിച്ചു.