വെള്ളമുണ്ട: ചെറുകിട വില്‍പനക്കായി വീട്ടില്‍ സൂക്ഷിച്ച 11 കുപ്പി വിദേശ മദ്യം വെള്ളമുണ്ട പൊലിസ് പിടികൂടി. സംഭവത്തില്‍ വീട്ടുടമ പാലച്ചാല്‍ പ്രേമനെ(56) അറസ്റ്റു ചെയ്തു. പ്രദേശത്ത് സ്ഥിരമായി മദ്യവില്‍പന നടത്തുന്നുണ്ടെന്ന വിവരത്തിന്റെ അടിസ്ഥാനത്തില്‍ പൊലിസ് നടത്തിയ പരിശോധനയിലാണ് അഞ്ചര ലിറ്റര്‍ മദ്യം വീട്ടില്‍നിന്നു കണ്ടെത്തിയത്. അഡീ. സബ് ഇന്‍സ്‌പെക്ടര്‍ പുഷ്പാകരന്‍, എ.എസ്.ഐമാരായ സുഭാഷ്, രാജന്‍, സി.പി.ഒമാരായ സക്കീന, സെബാസ്റ്റ്യന്‍ എന്നിവരാണ് സംഘത്തിലുണ്ടായിരുന്നത്.