എടവണ്ണ: ഇസ്‌ലാഹിയ ഒറിയന്റല്‍ ഹയര്‍സെക്കന്‍ഡറി സ്‌കൂളില്‍ നടന്നുവന്ന മഞ്ചേരി ഉപജില്ലാ ശാസ്‌ത്രോത്സവം സമാപിച്ചു. ഗണിത ശാസ്ത്രമേളയില്‍ എല്‍.പി വിഭാഗത്തില്‍ ജി.എം.എല്‍.പി സ്‌കൂള്‍ മംഗലശ്ശേരി, യു.പി വിഭാഗത്തില്‍ ജി.യു.പി.എസ് പത്തപ്പിരിയം, ഹൈസ്‌കൂള്‍ വിഭാഗത്തില്‍ ജി.ജി.എച്ച്.എസ് സ്‌കൂള്‍ മഞ്ചേരി, ഹയര്‍സെക്കന്‍ഡറി വിഭാഗത്തില്‍ എച്ച്.എം.വൈ.എച്ച്.എസ് സ്‌കൂള്‍ മഞ്ചേരി എന്നിവര്‍ ചാംപ്യന്‍ഷിപ്പ് നേടി.
സാമൂഹ്യ ശാസ്ത്രമേളയില്‍ എല്‍.പി വിഭാഗത്തില്‍ ജി.എല്‍.പി സ്‌കൂള്‍ മഞ്ചേരിയും യു.പി വിഭാഗത്തിലും ഹൈസ്‌കൂള്‍ വിഭാഗത്തിലും എച്ച്.എം.വൈ.എച്ച്.എസ് സ്‌കൂള്‍ മഞ്ചേരിയും ജേതാക്കളായി. ഹയര്‍സെക്കന്‍ഡറി വിഭാഗത്തില്‍ ഐ.ഒ.എച്ച്.എസ് സ്‌കൂള്‍ എടവണ്ണയും ഓവറോള്‍ നേടി.
ഐ.ടി മേളയില്‍ എല്‍.പി വിഭാഗത്തില്‍ എച്ച്.എം.എസ്.എ.യു.പി സ്‌കൂള്‍ തുറക്കല്‍, യു.പി വിഭാഗത്തില്‍ ജി.യു.പി സ്‌കൂള്‍ മഞ്ചേരി, ഹൈസ്‌കൂള്‍ വിഭാഗത്തില്‍ ഐ.ഒ.എച്ച്.എസ് സ്‌കൂള്‍ എടവണ്ണ, ഹയര്‍സെക്കന്‍ഡറി വിഭാഗത്തില്‍ എച്ച്.എം.വൈ.എച്ച്.എസ് സ്‌കൂള്‍ മഞ്ചേരി ഓവറോള്‍ ചാംപ്യന്മാരായി.
പ്രവര്‍ത്തിപരിചയ മേളയില്‍ എല്‍.പി വിഭാഗത്തില്‍ ജി.എം.എല്‍.പി സ്‌കൂള്‍ മംഗലശ്ശേരി, യു.പി വിഭാഗത്തില്‍ ഐ.ഒ.എച്ച്.എസ് എടവണ്ണ, ഹൈസ്‌കൂള്‍ വിഭാഗത്തിലും ഹയര്‍സെക്കന്‍ഡറി വിഭാഗത്തിലും എച്ച്.എം.വൈ.എച്ച്.എസ് സ്‌കൂള്‍ മഞ്ചേരി എന്നുവരും ജേതാക്കളായി.
ശാസ്‌ത്രോത്സവത്തിന്റെ സമാപന സമ്മേളനം അരീക്കോട് ബ്ലോക്ക് പഞ്ചായത്ത് പ്രസിഡന്റ് പറമ്പന്‍ ലക്ഷ്മി ഉദ്ഘാടനം ചെയ്തു. പി.ടി.എ പ്രസിഡന്റ് മുജീബ് റഹ്മാന്‍ അധ്യക്ഷനായി. മഞ്ചേരി ഉപജില്ലാ എ.ഇ.ഒ ഷാജന്‍ സമ്മാന വിതരണം നടത്തി. എ.പി ജൗഹര്‍ സാദത്ത്, സക്കീര്‍ ഹുസൈന്‍ സംസാരിച്ചു.