വടകര: ചെറുകാട് ഗ്രാന്ഥാലയം കുട്ടോത്തിന്റെ വാര്‍ഷികാഘോഷ സമാപനവും ചെറുകാട് അവാര്‍ഡ് ദാനവും നാളെ വൈകിട്ട് അഞ്ചിന് നിയമസഭാ സ്പീക്കര്‍ പി. ശ്രീരാമകൃഷ്ണന്‍ നിര്‍വഹിക്കും. ഓഗസ്റ്റ് 23ന് തുടക്കം കുറിച്ച 30ാം വാര്‍ഷിക പരിപാടികള്‍ക്കാണ് 28ന് സമാപനം കുറിക്കുന്നതെന്ന് സ്വാഗതസംഘം ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
ചടങ്ങില്‍ ചെറുകാട് അവാര്‍ഡ് ജേതാവ് പ്രൊഫ കെ.പി ശങ്കരന് സ്പീക്കര്‍ പുരസ്‌കാരം സമ്മാനിക്കും. പാലക്കീഴ് നാരായണന്‍ അവാര്‍ഡ് പ്രഖ്യാപനം നടത്തും. വാര്‍ത്താസമ്മേളനത്തില്‍ പി.പി പ്രഭാകരന്‍, എ.വി സലില്‍, സി.പി റിനേഷ്, അമല്‍ജിത്ത് എം.പി.കെ പങ്കെടുത്തു.