നാദാപുരം: അരുതായ്മകളോട് 'നോ' പറയാന്‍ പെണ്‍കുട്ടികള്‍ കരുത്താര്‍ജ്ജിക്കണമെന്ന് നാദാപുരം ഡിവൈ.എസ്.പി വി.കെ രാജു. നാദാപുരം ടി.ഐ.എം ഗേള്‍സ് ഹയര്‍ സെക്കന്‍ഡറി സ്‌കൂളില്‍ ഗൈഡ്‌സ് യൂനിറ്റിന്റെ ഉദ് ഘാടനം നിര്‍വഹിച്ച് സംസാരിക്കുകയായിരുന്നു അദ്ദേഹം. ജീവിക്കുന്ന ചുറ്റുപാടുകളില്‍ പതിയിരിക്കുന്ന അപകടങ്ങളെ കരുതിയിരിക്കണമെന്നും അതിനെതിരേ സദാ ജാഗ്രത പുലര്‍ത്തണമെന്നും അദ്ദേഹം പറഞ്ഞു.
പ്രിന്‍സിപ്പല്‍ സി.കെ അബ്ദുല്‍ ഗഫൂര്‍ ആധ്യക്ഷനായി. സ്‌കൗട്ട്‌സ് ആന്‍ഡ് ഗൈഡ്‌സ് കോഴിക്കോട് ജില്ലാ കമ്മീഷണര്‍ പി.വി കുഞ്ഞമ്മദ്, അസിസ്റ്റന്റ് സ്റ്റേറ്റ് ഓര്‍ഗനൈസിങ് കമ്മീഷണര്‍ പ്രശാന്ത്, ഹെഡ് ക്വാര്‍ട്ടേഴ്‌സ് കമ്മീഷണര്‍ ദിവ്യപ്രഭ, സ്‌കൂള്‍ മാനേജര്‍ മുഹമ്മദ് ബംഗ്ലത്ത്, കെ.എം കുഞ്ഞബ്ദുല്ല, വി.സി ഇഖ്ബാല്‍, നാസര്‍ എടച്ചേരി, അബ്ബാസ് കണേക്കല്‍, പി. സലീന, പ്രധാനാധ്യാപകന്‍ ഇ. സിദ്ദിഖ്, എം.കെ മുനീര്‍ സംസാരിച്ചു.