കക്കട്ടില്‍: കുന്നുമ്മല്‍ ഉപജില്ലാ ശാസ്‌ത്രോത്സവത്തില്‍ അഞ്ച് ഓവറോള്‍ ഉള്‍പെടെ ഒന്‍പതു കിരീടങ്ങള്‍ നേടി വട്ടോളി സംസ്‌കൃതം ഹൈസ്‌കൂള്‍. ഹൈസ്‌കൂള്‍ വിഭാഗത്തിലെ സാമൂഹ്യശാസ്ത്രമേള, ഐ.ടി മേള, ശാസ്ത്രമേള എന്നിവയിലും യു.പി വിഭാഗത്തിലെ ശാസ്ത്രമേള, സാമൂഹ്യശാസ്ത്രമേള എന്നിവയിലുമാണ് ഓവറോള്‍ കിരീടം ചൂടിയത്. ഹൈസ്‌കൂള്‍ വിഭാഗത്തിലെ ഗണിതശാസ്ത്രമേള ഓവറോള്‍ രണ്ടാം സ്ഥാനവും പ്രവൃത്തിപരിചയമേള (ഹൈസ്‌കൂള്‍), ഐ. ടി മേള (യു.പി), ഗണിതശാസ്ത്രമേള (യു.പി) എന്നിവയില്‍ ഓവറോള്‍ മൂന്നാം സ്ഥാനവും ഉള്‍പ്പെടുന്നതാണ് തിളക്കമാര്‍ന്ന വിജയം.