നടുവണ്ണൂര്‍: പൊട്ടിപ്പൊളിഞ്ഞു താറുമാറായ പൊതുമരാമത്ത് വകുപ്പിന്റെ കീഴിലുള്ള പുനത്ത് കണ്ണാടിപൊയില്‍- കൂട്ടാലിട റോഡ് റീടാറിങ് നടത്തണമെന്നാവശ്യപ്പെട്ടുകൊണ്ട് പൂനത്ത് മദ്‌റസക്ക് സമീപം നാട്ടുകാര്‍ റോഡ് ഉപരോധിച്ചു. മുന്‍ പഞ്ചായത്ത് മെംബര്‍ വി.പി പോക്കര്‍ കുട്ടി ഹാജി ഉപരോധസമരം ഉദ്ഘാടനം ചെയ്തു. സമദ് പൂനത്ത് അധ്യക്ഷനായി. പഞ്ചായത്ത് മെംബര്‍ ബഷീര്‍ മറയത്തിങ്കല്‍, ആപ്പാട്ടില്‍ കുട്ട്യാലി ഹാജി, തെക്കയില്‍ ഇബ്രാഹിം ഹാജി, പി.സി നാസര്‍, ടി.കെ ഹമീദ് ഹാജി, നരിക്കോട്ട് പോക്കര്‍കുട്ടി ,ടി. റഷീദ്, എം.കെ അന്‍സല്‍, സി. മുഹമ്മദലി, കെ.കെ ലത്തീഫ്, എന്‍.കെ അര്‍ഷാദ്, കെ.കെ ഹാമിദ് സംസാരിച്ചു.