പയ്യോളി: കോണ്‍ഗ്രസിനെ അധികാരത്തില്‍നിന്ന് പുറത്താക്കിയതിന്റെ ദോഷം രാജ്യം അനുഭവിച്ച് തുടങ്ങിയെന്ന് കോണ്‍ഗ്രസ് നേതാവും മുന്‍ എം.എല്‍.എയുമായ എ.പി അബ്ദുല്ലക്കുട്ടി.
പയ്യോളി മണ്ഡലം തച്ചന്‍കുന്ന് മേഖലാ കോണ്‍ഗ്രസ് കുടുംബസംഗമം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ബൂത്ത് പ്രസിഡന്റ് കാര്യാട്ട് ഗോപാലന്‍ അധ്യക്ഷനായി. ഉന്നത വിജയികള്‍ക്കുള്ള ഉപഹാരം ഡി.സി.സി പ്രസിഡന്റ് അഡ്വ.ടി.സിദ്ദിഖ് വിതരണം ചെയ്തു. കെ.പി.സി.സി ജന.സെക്രട്ടറി എന്‍. സുബ്രഹ്മണ്യന്‍ പഴയകാല കോണ്‍ഗ്രസ് പ്രവര്‍ത്തകരെ ആദരിച്ചു.
കെ.പി.സി.സി സെക്രട്ടറി കെ. പ്രവീണ്‍കുമാര്‍, മഠത്തില്‍ നാണു മാസ്റ്റര്‍, പടന്നയില്‍ പ്രഭാകരന്‍, പുത്തുക്കാട്ട് രാമകൃഷ്ണന്‍, എം.ടി രാമന്‍, കുറുമണ്ണില്‍ രവീന്ദ്രന്‍, വടക്കയില്‍ ഷഫീക്ക്, മേക്കോട്ട് പൊയില്‍ വിജയന്‍, ആയഞ്ചേരി സുരേന്ദ്രന്‍, പി.കെ ഗംഗാധരന്‍, കെ.കെ സീതി, കാളിയേരി മൊയ്തു, ഏത്തിലാടി അഹമ്മദ് സംസാരിച്ചു.