കോഴിക്കോട്: നീതി ആയോഗിന്റെ നേതൃത്വത്തില്‍ അല്‍ ഹറമൈന്‍ ഇംഗ്ലീഷ് സ്‌കൂളില്‍ സ്ഥാപിച്ച അടല്‍ ടിങ്കറിങ് ലാബിന്റെ ഉദ്ഘാടനം ഒക്ടോബര്‍ 31ന് രാവിലെ ഒന്‍പതരയ്ക്ക് സ്‌കൂളില്‍ നടക്കും. സ്‌കൂള്‍ മാനേജ്‌മെന്റ് കൗണ്‍സില്‍ പ്രസിഡന്റ് ഡോ.എ.വി അബ്ദുള്‍ അസീസ് അധ്യക്ഷനാകുന്ന ചടങ്ങില്‍ എ.ടി.എല്‍ ഉദ്ഘാടനം എം.കെ രാഘവന്‍.എം.പി നിര്‍വഹിക്കും. കോമ്പാക്ടര്‍ കെ.എസ്.എം.ഡി.എഫ്.സി ചെയര്‍മാന്‍ പ്രൊഫ.എ.പി അബ്ദുള്‍ വഹാബ് ഉദ്ഘാടനം ചെയ്യും. കൂട്ടില്‍ മുഹമ്മദ് അലി മുഖ്യപ്രഭാഷണം നടത്തും. പി.കെ അഹമ്മദ് ചടങ്ങില്‍ മുഖ്യാതിഥിയാവും. ചടങ്ങിന് മുന്നോടിയായി 30ന് രാവിലെ പുതിയങ്ങാടിയില്‍ നിന്നാരംഭിക്കുന്ന റോഡ്‌ഷോ ഡി.സി.പി മെറിന്‍ ജോസഫ് ഫ്‌ളാഗ് ഓഫ് ചെയ്യും. വാര്‍ത്താസമ്മേളനത്തില്‍ സ്‌കൂള്‍ പ്രിന്‍സിപ്പല്‍ ടി.എം സഫിയ, എ.ടി.എല്‍ മെന്റര്‍ എ. മന്‍സൂര്‍, കെ.കെ ഷംസുദ്ദീന്‍, എം. നുഫൈല്‍, എ.എം അബൂബക്കര്‍, അഞ്ജിത്ത് പി.സോമന്‍ പങ്കെടുത്തു.