കൊടുവള്ളി: മേഖലയിലെ യൂനിറ്റുകള്‍ കേന്ദ്രീകരിച്ച് എസ്.കെ.എസ്.എസ്.എഫ് ദഅ്‌വാ വിഭാഗം കൊടുവള്ളി മേഖല ഇബാദ് സംഘടിപ്പിക്കുന്ന 'നൂറാനി ജല്‍സ' ആത്മീയ സദസുകളുടെ ശാഖാതല ഉദ്ഘാടന സംഗമം ഇന്ന് വൈകിട്ട് ഏഴിന് തലപ്പെരുമണ്ണ എം.ഐ.എം ഓഡിറ്റോറിയത്തില്‍ നടക്കും.
എസ്.വൈ.എസ് മുനിസിപ്പല്‍ പ്രസിഡന്റ് സി.എം.കെ തങ്ങള്‍ പാലക്കുറ്റി സംഗമം ഉദ്ഘാടനം ചെയ്യും. ബുര്‍ദ ബൈത്ത് പാരായണത്തിന് സുബൈര്‍ ദാരിമി, ഹനീഫ് റഹ്മാനി, മുസ്തഫ ഹുദവി, അഷ്‌റഫ് സഖാഫി, മുസ്തഫ മുസ്‌ലിയാര്‍, റാഫി റഹ്മാനി നേതൃത്വം നല്‍കും.
ഖസീദത്തുല്‍ ബുര്‍ദയെ പരിചയപ്പെടുത്തി അഷ്‌റഫ് ബാഖവി കരീറ്റിപ്പറമ്പ് മുഖ്യപ്രഭാഷണം നിര്‍വഹിക്കും. മുഹമ്മദലി ഹുദവി അമ്പലക്കണ്ടി, പി.സി ഖാദര്‍ മാസ്റ്റര്‍, എം.സി മുഹമ്മദ് മുസ്‌ലിയാര്‍, സയ്യിദ് മുബാരിസ് തങ്ങള്‍ ഹുദവി, ഇ. അഹമ്മദ് കുട്ടി ഹാജി, അസ്‌ലം കൊടുവള്ളി, മുസ്തഫ ഹുദവി കൊടുവള്ളി, സാദിഖ് പാലക്കുറ്റി സംബന്ധിക്കും.