മുക്കം: ചോര്‍ന്നൊലിക്കുന്ന ഓലക്കൂരയില്‍ പ്ലസ് വണ്‍ വിദ്യാര്‍ഥിയായ മകളുമായി കഴിഞ്ഞിരുന്ന കാരശ്ശേരി പുതിയേടത്ത് താഴത്ത് പാറു അമ്മയ്ക്ക് യൂത്ത് ലീഗ് കാരശ്ശേരി വാര്‍ഡ് കമ്മിറ്റി നിര്‍മിച്ചു നല്‍കുന്ന ബൈത്തുറഹ്മ സമര്‍പ്പണം നവംബര്‍ 11ന് നടക്കും.
കാരശ്ശേരി മുസ്‌ലിം ലീഗ് അഖിലേന്ത്യാ ഓര്‍ഗനൈസിങ് സെക്രട്ടറി ഇ.ടി മുഹമ്മദ് ബഷീര്‍ എം.പി സമര്‍പ്പണം നടത്തും.
പി.കെ ഫിറോസ്, നജീബ് കാന്തപുരം, യു.സി രാമന്‍, സി.പി ചെറിയമുഹമ്മദ്, സിദ്ദീഖലി രാങ്ങാട്ടൂര്‍ സംബന്ധിക്കും. മലപ്പുറം സര്‍ഗധാരയുടെ ഇശല്‍ രാവും അരങ്ങേറും.
ഇതു സംബന്ധിച്ചു ചേര്‍ന്ന യോഗം നിയോജക മണ്ഡലം യൂത്ത് ലീഗ് സെക്രട്ടറി നിസാം കാരശ്ശേരി ഉദ്ഘാടനം ചെയ്തു. വി.പി ഷഫീഖ് അധ്യക്ഷനായി.
അബു സുഫിയാന്‍, ഇ.കെ നാസര്‍, കെ. ജുനൈദ്, ഹിദാഷ് പറശ്ശേരി, വി.പി അനീസ്, എം. മുസ്തഫ, ഷൈജല്‍ മുട്ടാത്ത് സംസാരിച്ചു.