കണ്ണൂര്‍: വിദ്യാര്‍ഥി യുവജന സംഘടനയായ ഫ്രറ്റേണിറ്റി മൂവ്‌മെന്റ് ജില്ലാ പ്രഖ്യാപനം 29ന് ജവഹര്‍ ഓഡിറ്റോറിയത്തില്‍ നടക്കും. ഉച്ചയ്ക്ക് രണ്ടിന് നടക്കുന്ന ചടങ്ങില്‍ പ്രഥമ ജില്ലാ കമ്മിറ്റിയെയും ഭാരവാഹികളെയും പ്രഖ്യാപിക്കും. സമ്മേളനത്തില്‍ ഫ്രറ്റേണിറ്റി ദേശീയ ജനറല്‍ സെക്രട്ടറി ശാരിഖ് അന്‍സാര്‍, ദേശീയ വൈസ് പ്രസിഡന്റ് ജിനമിത്ര കോട്ടം, വെല്‍ഫെയര്‍ പാര്‍ട്ടി സംസ്ഥാന പ്രസിഡന്റ് ഹമീദ് വാണിയമ്പലം തുടങ്ങിയവര്‍ പങ്കെടുക്കും. സമ്മേളനത്തെ തുടര്‍ന്ന് ജില്ലാ നേതാകള്‍ക്കുള്ള സ്വീകരണറാലിയും നടക്കും. വാര്‍ത്താസമ്മേളനത്തില്‍ നസ്‌റീന ഇല്ല്യാസ്, ഫൈസല്‍ മാടായി, ആശിഖ് കാഞ്ഞിരോട്, സി.കെ മുനവീര്‍, ഖദീജ ഷിറോസ് പങ്കെടുത്തു.