ചൊക്ലി: ചൊക്ലി ഉപജില്ലാ സ്‌കൂള്‍ ശാസ്‌ത്രോത്സവം 30, 31 തിയതികളില്‍ ചമ്പാട് ചോതാവൂര്‍ ഹയര്‍ സെക്കന്‍ഡറി സ്‌കൂളില്‍ നടക്കും. 31ന് രാവിലെ 10ന് മാഹി എം.എല്‍.എ ഡോ.വി. രാമചന്ദ്രന്‍ ഉദ്ഘാടനം ചെയ്യും. പന്ന്യന്നൂര്‍ പഞ്ചായത്ത് പ്രസിഡന്റ് എ. ശൈലജ അധ്യക്ഷയാകും. പാനൂര്‍ നഗരസഭ ചെയര്‍പേഴ്‌സണ്‍ കെ.വി റംല മുഖ്യാതിഥിയായിരിക്കും. 31ന് വൈകുന്നേരം നാലിന് നടക്കുന്ന സമാപന സമ്മേളനം പാനൂര്‍ ബ്ലോക്ക് പഞ്ചായത്ത് പ്രസിഡന്റ് കെ.ഇ കുഞ്ഞബ്ദുല്ല ഉദ്ഘാടനം ചെയ്യും. പന്ന്യന്നൂര്‍ പഞ്ചായത്ത് വൈസ് പ്രസിഡന്റ് കെ.ഇ മോഹനന്‍ അധ്യക്ഷനാകും. ജില്ലാ പഞ്ചായത്ത് ക്ഷേമകാര്യ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ ടി. റംല മുഖ്യാതിഥിയായിരിക്കും. ഡി.ഇ.ഒ ടി.പി
നിര്‍മലാദേവി സമ്മാനദാനം നിര്‍വ്വഹിക്കും. 30ന് ശാസ്ത്രമേള, സാമൂഹ്യ ശാസ്ത്രമേള, ഐ.ടി മേള എന്നിവയും 31ന് ഗണിതശാസ്ത്രം, പ്രവൃത്തി പരിചയമേള എന്നിവയും നടക്കും.