പയ്യന്നൂര്‍: ഫര്‍ക്ക ഫിലിം സൊസൈറ്റി പയ്യന്നൂര്‍ സംഘടിപ്പിക്കുന്ന ഹ്രസ്വ ചലച്ചിത്ര മേള ഇന്നുമുതല്‍ നാലു ദിവസങ്ങളിലായി പയ്യന്നൂരില്‍ നടക്കും. രാവിലെ 9 മുതല്‍ പയ്യന്നൂര്‍ ഗാന്ധി പാര്‍ക്ക്, ഹോട്ടല്‍ വൈശാഖ് ഇന്റര്‍നാഷനല്‍ എന്നിവിടങ്ങളിലായാണ് പ്രദര്‍ശനം. നൂറോളം ചിത്രങ്ങള്‍ മേളയില്‍ പ്രദര്‍ശിപ്പിക്കും. ഇന്ന് വൈകുന്നേരം 5ന് ഗാന്ധി പാര്‍ക്കില്‍ നോവലിസ്റ്റ് സി.വി ബാലകൃഷ്ണന്‍ മേള ഉദ്ഘാടനം ചെയ്യും. എം.ടി അന്നൂര്‍ അധ്യക്ഷനാകും. ബേബി അനശ്വര മുഖ്യാതിഥിയാകും. വാര്‍ത്താസമ്മേളനത്തില്‍ ബാബു അന്നൂര്‍, എ.പി കൃഷ്ണകുമാര്‍, എം.ടി അന്നൂര്‍, മധു, കെ.കെ.പി സുഭാഷ് സംബന്ധിച്ചു.