കണ്ണൂര്‍: എല്ലാവര്‍ക്കും ജീവിക്കണം ഇന്ത്യ മരിക്കരുത് എന്ന ശീര്‍ഷകത്തില്‍ ജില്ലാ എസ്.വൈ.എസ് ഏരിയാ തലങ്ങളില്‍ നടത്തിവരുന്ന മാനവ സൗഹൃദ സംഗമം സജീവം. ശ്രീകണ്ഠപുരം ഏരിയാ സൗഹൃദ സംഗമം ഷൗഖത്തലി അസ്അദി ഉദ്ഘാടനം ചെയ്തു. സത്താര്‍ വളെക്കെ അധ്യക്ഷനായി. ജാബിര്‍ ഹുദവി തൃക്കരിപ്പൂര്‍ പ്രമേയ പ്രഭാഷണം നടത്തി.
മാടായിയില്‍ മലയമ്മ അബൂബക്കര്‍ ബാഖവി ഉദ്ഘാടനം ചെയ്തു. സ്വഫ്‌വാന്‍ തങ്ങള്‍ ഏഴിമല അധ്യക്ഷനാകും. അബ്ദുസ്സമദ് പൂക്കോട്ടൂര്‍ മുഖ്യപ്രഭഷണം നടത്തി.
നാളെ 3.30ന് ഇരിട്ടിയില്‍ സണ്ണി ജോസഫ് എം.എല്‍.എ ഉദ്ഘാടനം ചെയ്യും. മുഹമ്മദ് റഹ്മാനി തരുവണ പ്രമേയ പ്രഭാഷണം നടത്തും. കണ്ണൂര്‍ സിറ്റി ഏരിയാ സംഗമം തയ്യില്‍ ബസാറില്‍ വൈകുന്നേരം 6.30ന് അഹ്മദ് തേര്‍ളായി ഉദ്ഘാടനം ചെയ്യും. അഷ്‌റഫ് ബംഗാളി മുഹല്ല അധ്യക്ഷനാകും. ആബിദ് ഹുദവി തച്ചണ്ണ മുഖ്യപ്രഭാഷണം നടത്തും.
കാക്കയങ്ങാട് ഏരിയാ സംഗമം നവംബര്‍ മൂന്നിന് വൈകുന്നേരം 3.30ന് അഹ്മദ് തേര്‍ളായി ഉദ്ഘാടനം ചെയ്യും. മമ്മൂട്ടി നിസാമി തരുവണ പ്രമേയ പ്രഭാഷണം നടത്തും. ഇരിക്കൂര്‍ ബസാറില്‍ വൈകിട്ട് നാലിന് അബ്ദുറഹ്മാന്‍ കല്ലായി ഉദ്ഘാടനം ചെയ്യും.