ചെറുതോണി: ഇടുക്കി മെഡിക്കല്‍ കോളജിന്റെ അക്കാദമിക്ക് ബ്ലോക്കിന്റെ വൈദ്യുതികരണത്തിനായി രണ്ട് കോടി മുപ്പത്തിരണ്ട് ലക്ഷം രൂപ കൂടി അനുവദിച്ച് ഭരണാനുമതി ആയതായി അഡ്വ ജോയ്‌സ് ജോര്‍ജ്ജ് എം പി അറിയിച്ചു. ഇന്നലെ തന്നെ ടെണ്ടര്‍ പ്രസിദ്ധീകരിച്ചിട്ടുണ്ട്.
ടെണ്ടര്‍ നടപടികള്‍ പൂര്‍ത്തിയായാക്കി മൂന്ന് മാസത്തിനുള്ളില്‍ വയറിംഗ് വൈദ്യുതീകരണ ജോലികള്‍ പൂര്‍ത്തിയാകുമെന്ന് എം പി അറിയിച്ചു.
ആശുപത്രി സമുച്ചയത്തിന്റെ ഒന്നാംഘട്ട നിര്‍മ്മാണം ഡിസംബറോടെ പൂര്‍ത്തിയാകും. യുദ്ധകാലാടിസ്ഥാനത്തില്‍ നിര്‍മാണ പ്രവര്‍ത്തനങ്ങള്‍ പുരോഗമിക്കുകയാണ്.
അടുത്തു ആഴ്ച ഉന്നതതല യോഗം ചേര്‍ന്ന് തുടര്‍ പ്രവര്‍ത്തനങ്ങള്‍ വിലയിരുത്തുമെന്ന് എം.പി അറിയിച്ചു.