കൊടുങ്ങല്ലൂര്‍: റോഡിന് കുറുകെ ചാടിയ നായയെ രക്ഷിക്കാന്‍ ശ്രമിക്കുന്നതിനിടയില്‍ നിയന്ത്രണം വിട്ട ഗുഡ്‌സ് ഓട്ടോറിക്ഷ വൈദ്യുതി പോസ്റ്റിലിടിച്ച് രണ്ടു പേര്‍ക്ക് പരുക്കേറ്റു. ഗുഡ്‌സ് ഓട്ടോ ഓടിച്ചിരുന്ന തുമ്പൂര്‍ കണ്ണന്‍വീട്ടില്‍ വിഷ്ണു (27), ഇയാളുടെ സഹായിയും ബന്ധുവുമായ മിഥുന്‍ (17) എന്നിവര്‍ക്കാണ് പരുക്കേറ്റത്. ഇവരെ താലൂക്ക് ആശുപത്രിയില്‍ പ്രവേശിപ്പിച്ചു. ഇടിയുടെ ആഘാതത്തില്‍ വൈദ്യുതി പോസ്റ്റ് ഒടിഞ്ഞു വീണ് പ്രദേശത്ത് മണിക്കൂറോളം വൈദ്യുതി വിതരണം തടസപ്പെട്ടു.
വ്യാഴാഴ്ച രാവിലെ ഏഴിന് കീഴ്ത്തളി കസ്തൂരിവളവില്‍ വെച്ചാണ് അപകടം. മുനമ്പത്തു നിന്നും മത്സ്യം കയറ്റി തുമ്പൂരിലേക്ക് പോകുകയായിരുന്നു ഗുഡ്‌സ് ഓട്ടോറിക്ഷ.