തൃശൂര്‍: കേരള പത്രപ്രവര്‍ത്തക യൂണിയന്‍ ജില്ലാ കമ്മിറ്റിയുടെ ആഭിമുഖ്യത്തില്‍ സിറ്റി പൊലിസിന്റെ ലഹരി വിരുദ്ധ ക്യാംപയിന്‍ 'വേണ്ട ബ്രോ'യ്ക്ക് പിന്തുണ പ്രഖ്യാപിച്ച് ഇരുചക്രവാഹന റാലി നടത്തി. പ്രസ് ക്ലബ്ബിന് മുന്നില്‍ നിന്നും ആരംഭിച്ച റാലി സ്വരാജ് റൗണ്ട് ചുറ്റി ക്ലബ്ബിന് മുന്നില്‍ സമാപിച്ചു.
എ.സി.പി പി. വാഹിദ് റാലി ഫ്‌ളാഗ് ഓഫ് ചെയ്തു. കണ്‍ട്രോള്‍ റൂം സി.ഐ ബെന്നി സന്നിഹിതനായിരുന്നു. കെ.യു.ഡബ്ല്യൂ.ജെ ജില്ലാ പ്രസിഡന്റ് കെ. പ്രഭാത്, സെക്രട്ടറി വിനീത എം.വി, വൈസ് പ്രസിഡന്റുമാരായ സി.ജിഷ, മുകേഷ് ലാല്‍, ജോയിന്റ് സെക്രട്ടറി മധു മേനോന്‍, ട്രഷറര്‍ പി.വി അരവിന്ദാക്ഷന്‍, ജില്ലാ കമ്മിറ്റിയംഗങ്ങളായ സി.ബി പ്രദീപ്കുമാര്‍, അഫ്‌സല്‍, മുതിര്‍ന്ന മാധ്യമപ്രവര്‍ത്തകരായ ബാലകൃഷ്ണന്‍ കുന്നമ്പത്ത്, വി.എം രാധാകൃഷ്ണന്‍ തുടങ്ങിയവര്‍ പങ്കെടുത്തു.