തിരുവനന്തപുരം: ആര്‍.എസ്.എസ് നേതാവ് ദീന്‍ദയാല്‍ ഉപാധ്യായയുടെ ജന്മശതാബ്ദി സ്‌കൂളുകളില്‍ ആഘോഷിക്കണമെന്ന് സര്‍ക്കുലറിറക്കിയതില്‍ പ്രതിഷേധിച്ച് തിരുവനന്തപുരത്ത് ഡി.പി.ഐ ഓഫിസിലേക്ക് എ.ഐ.എസ്.എഫ് നടത്തിയ മാര്‍ച്ചില്‍ സംഘര്‍ഷം. പ്രവര്‍ത്തകരും പൊലിസുമായി ചെറിയ ഉന്തും തള്ളും നടന്നു. ഇതിനിടയില്‍ പ്രവര്‍ത്തകരിലൊരാളെ പൊലിസ് ബലമായി കസ്റ്റഡിയിലെടുത്തതാണ് സംഘര്‍ഷത്തിനിടയാക്കിയത്. തുടര്‍ന്ന് പൊലിസും പ്രവര്‍ത്തകരും തമ്മില്‍ കൈയാങ്കളിയുമായി.