കണ്ണൂര്‍: ഐ.എസില്‍ ചേരാന്‍ യുവാക്കള്‍ സിറിയയിലേക്ക് പോയ സംഭവം അന്വേഷിക്കുന്നതിനായി പൊലിസ് പ്രത്യേകസംഘം രൂപീകരിച്ചു. കണ്ണൂര്‍ ജില്ലാ പോലിസ് ചീഫ് ജി. ശിവവിക്രത്തിന്റെ മേല്‍നോട്ടത്തില്‍ കണ്ണൂര്‍ ഡിവൈ.എസ്.പി സദാനന്ദന്റെ നേതൃത്വത്തിലാണ് അന്വേഷണം നടക്കുന്നത്. പൊലിസ് ഏതാനും പേരെ കസ്റ്റഡിയിലെടുത്തിട്ടുണ്ട്. ഇരുപതോളം പേര്‍ നിരീക്ഷണത്തിലാണുള്ളത്. കുറ്റിയാട്ടൂര്‍, മുണ്ടേരി കമാല്‍പീടിക, പാപ്പിനിശ്ശേരി, വളപട്ടണം, മൂപ്പന്‍പാറ, ചാലാട് എന്നീ പ്രദേശങ്ങളിലെ ഇരുപതോളം പേര്‍ക്ക് പിടിയിലായവരുമായി അടുത്ത ബന്ധമുള്ളതിനാലാണ് ഇവരെ നിരീക്ഷിക്കുന്നത്.