റിയാദ്: യമനില്‍ യുദ്ധത്തിലേര്‍പ്പെട്ട യു എ ഇ സൈനികന്‍ സഊദി അതിര്‍ത്തിയില്‍ നടന്ന ആക്രമണത്തില്‍ കൊല്ലപ്പെട്ടു. യമനിലെ വിമത വിഭാഗമായ ഹൂതികള്‍ക്കെതിരെ നടക്കുന്ന ആക്രമണത്തില്‍ പങ്കെടുത്ത യു എ ഇ സൈനിക വിഭാഗത്തിലെ നായകന്‍ സഈദ് മതാര്‍ അല്‍ കഅബി ആണ് കൊല്ലപ്പെട്ടതെന്ന് യു എ ഇ സൈന്യത്തെ ഉദ്ധരിച്ച് വാര്‍ത്താ ഏജന്‍സിയായ വാം റിപ്പോര്‍ട്ട് ചെയ്തു.

സഊദി അതിര്‍ത്തി പ്രദേശമായ നജ്‌റാനില്‍ സൈനിക നീക്കത്തിനിടെയാണ് ഇദ്ദേഹം കൊല്ലപ്പെട്ടത്. അതേ സമയം, നജ്രാനില്ലേ ജനവാസ കേന്ദ്രത്തിനു നേരെ നടന്ന ആക്രമണത്തില്‍ വിദേശിയായ തൊഴിലാളിയാണ് കൊല്ലപ്പെട്ടതെന്ന് സഊദി വാര്‍ത്താ ഏജന്‍സി റിപ്പോര്‍ട്ടക് ചെയ്തു. തൊഴിലാളികള്‍ താമസിക്കുന്ന ക്യാംപിലേക്കാണ് യമനിലെ വിമത വിഭാഗമായ ഹൂതികള്‍ തൊടുത്തു വിട്ട ബാലിസ്റ്റിക് മിസൈല്‍ പതിച്ചത്.