ഹരിദ്വാര്‍: സംസ്ഥാനത്ത് ആധാര്‍ കാര്‍ഡില്‍ ഒരേ ജന്മദിനവുമായി എണ്ണൂറു പേര്‍. ഹരിദ്വാറിലെ ഗൈണ്ഡി ഗ്രാമത്തിലാണ് ജനുവരി ഒന്നിന് ജനിച്ച എണ്ണൂറു പേരുടെ വിവരങ്ങളുമായി ആധാര്‍ കാര്‍ഡ് പുറത്തിറങ്ങിയിരിക്കുന്നത്. ജന്മദിനത്തെ സംബന്ധിച്ച കൃത്യമായ രേഖകള്‍ ഇല്ലാത്തതോ ജന്മദിനം ഏതെന്നു അറിയാത്തതോ ആയ ആളുകള്‍ക്ക് രേഖകളില്‍ ജന്മദിനമായി ജനുവരി ഒന്നാണ് നല്‍കുന്നതെന്ന് ഔദ്യോഗിക വൃത്തങ്ങള്‍ പറഞ്ഞു. ആധാര്‍ കാര്‍ഡില്‍ ജന്മദിനം രേഖപ്പെടുത്താന്‍ ഇതുമായി ബന്ധപ്പെട്ട രേഖകള്‍ ഹാജരാക്കണം. അല്ലെങ്കില്‍ കൃത്യമായ തിയതി അറിഞ്ഞിരിക്കണം. ഇങ്ങനെ തിയതി അറിഞ്ഞിരിക്കുകയും അതിനു അനുബന്ധ രേഖകള്‍ കൈയില്‍ ഇല്ലാത്തവരുമായ ആളുകളുടെ ജന്മദിനവും ജനുവരി ഒന്നായാണ് എടുക്കുന്നത്.