ചെമ്മാട് :ഡിസംബര്‍ 22, 23, 24 തിയതികളില്‍ ചെമ്മാട് ഹിദായ നഗരിയില്‍ നടക്കുന്ന ദാറുല്‍ഹുദാ ഇസ്‌ലാമിക് സര്‍വകലാശാലയുടെ ബിരുദദാന മഹാസമ്മേളനത്തിന്റെ സംസ്ഥാനതല ഉദ്ഘാടനം നവംബര്‍ 12ന് വൈകീട്ട് ഏഴിന് എറണാകുളം കളമശ്ശേരി ടൗണ്‍ഹാളില്‍ നടക്കും.
വൈസ് ചാന്‍സലര്‍ ഡോ.ബഹാഉദ്ദീന്‍ മുഹമ്മദ് നദ്‌വി, സയ്യിദ് മുഹമ്മദ് കോയ തങ്ങള്‍ ജമലുല്ലൈലി, ഓണംപിള്ളി മുഹമ്മദ് ഫൈസി, ഇ.എസ് ഹസന്‍ ഫൈസി, ഐ.ബി ഉസ്മാന്‍ ഫൈസി, അന്‍വര്‍ മുഹ്‌യിദ്ദീന്‍ ഹുദവി സംസാരിക്കും.
പരിപാടിയുടെ വിജയത്തിനായി ജില്ലാതല സ്വാഗതസംഘ രൂപീകരണയോഗം ഇന്ന് വൈകീട്ട് ആറിന് കളമശ്ശേരി പത്തടിപ്പാലം പി. ഡബ്ലിയു.ഡി റസ്റ്റ് ഹൗസില്‍ നടക്കും. സമസ്തയുടെയും പോഷക സംഘടനകളുടെയും ജില്ലയിലെ ഭാരവാഹികള്‍ പങ്കെടുക്കുന്ന കണ്‍വെന്‍ഷനില്‍ വാഴ്‌സിറ്റി പ്രതിനിധികളും പങ്കെടുക്കും.