ലണ്ടന്‍: നാലു വയസുള്ള ബ്രിട്ടീഷ് രാജകുമാരന്‍ ഐ.എസ് ഹിറ്റ്‌ലിസ്റ്റില്‍. ബ്രിട്ടീഷ് രാജകുടുംബത്തിലെ ഇളമുറക്കാരനായ ജോര്‍ജ് ആണ് ഹിറ്റ്‌ലിസ്റ്റില്‍ ഉള്‍പ്പെട്ടതായി ബ്രിട്ടീഷ് മാധ്യമങ്ങള്‍ റിപ്പോര്‍ട്ട് ചെയ്തത്.
വില്യം-കേറ്റ് മിഡില്‍ടണ്‍ ദമ്പതികളുടെ മകനാണ് ജോര്‍ജ്. രാജകുമാരനെതിരായ ഭീഷണി സന്ദേശങ്ങള്‍ ടെലഗ്രാം അടക്കമുള്ള സമൂഹമാധ്യമങ്ങളിലും മറ്റും ഐ.എസ് ഭീകരര്‍ വ്യാപകമായി പ്രചരിക്കുന്നതായാണ് റിപ്പോര്‍ട്ട്. തോമസ് ബട്ടേഴ്‌സി സ്‌കൂളില്‍നിന്നുള്ള ജോര്‍ജിന്റെ ചിത്രങ്ങളും ഇതിനൊടൊപ്പം പ്രചരിപ്പിക്കപ്പെടുന്നുണ്ട്. ഇതേതുടര്‍ന്ന് സ്‌കൂളിലെ സുരക്ഷാക്രമീകരണങ്ങള്‍ വര്‍ധിപ്പിച്ചിട്ടുണ്ട്.