അഹമ്മദാബാദ്:സുരക്ഷാഭീഷണിയെ തുടര്‍ന്ന് മുംബൈ-ഡല്‍ഹി ജെറ്റ് എയര്‍വേയ്‌സ് വിമാനം ഗുജറാത്തിലെ അഹമ്മദാബാദിലേക്ക് വഴിതിരിച്ചുവിട്ടു. മുംബൈയില്‍ നിന്നും പുലര്‍ച്ചെ 2.55 ന് പറന്നുയര്‍ന്ന 9w339 വിമാനം 3.45 ന് അഹമ്മദാബാദില്‍ ലാന്‍ഡ് ചെയ്യുകയായിരുന്നു.

ഫോണ്‍വഴിയാണ് ഭീഷണിസന്ദേശമെത്തിയത്. ഇതോടെ അഹമ്മദാബാദില്‍ ലാന്‍ഡ് ചെയ്ത വിമാനത്തിലെ യാത്രക്കാരെയെല്ലാം പുറത്തിറക്കി പരിശോധന നടത്തി. സംഭവത്തെക്കുറിച്ച് ജെറ്റ് എയര്‍വേയ്‌സ് അധികൃതര്‍ പ്രതികരിക്കാന്‍ തയ്യാറായിട്ടില്ല.