തിരൂര്‍: മലയാള സര്‍വകലാശാലയുടെ സ്ഥാപക ദിന പരിപാടികള്‍ നവംബര്‍ ഒന്നിന് രാവിലെ 10ന് വൈസ് ചാന്‍സലര്‍ ഡോ. ഉഷ ടൈറ്റസ് ഐ.എ.എസ് ഉദ്ഘാടനം ചെയ്യും. ഗുജറാത്ത് കേന്ദ്ര സര്‍വകലാശാല എമിററ്റസ് പ്രൊഫസര്‍ ഡോ. ഇ.വി. രാമകൃഷ്ണന്‍ നാലാമത് എഴുത്തച്ഛന്‍ സ്മാരകപ്രഭാഷണം നടത്തും.
ഡോ. എം. ശ്രീനാഥന്‍ അധ്യക്ഷനാകും. എഴുത്തച്ഛന്‍ സിംപോസിയം വിദ്യാര്‍ഥി യൂനിയന്‍ ചെയര്‍മാന്‍ പി.കെ. സുജിത്ത് ഉദ്ഘാടനം ചെയ്യും. ഡോ. എം.ആര്‍. രാഘവവാരിയര്‍, ഡോ.ദേശമംഗലം രാമകൃഷ്ണന്‍, ഡോ. കെ.എം. ഭരതന്‍, ഡോ. ടി.അനിതകുമാരി, ഡോ. എന്‍.വി. മുഹമ്മദ് റാഫി, എ.കെ. വിനീഷ്, ആദില കബീര്‍ പങ്കെടുക്കും. തുടര്‍ന്ന് പോയട്രി ക്ലബിന്റെ ആഭിമുഖ്യത്തില്‍ എഴുത്തച്ഛന്‍ കവിതകളുടെ അവതരണവും നടക്കും.