കോട്ടക്കല്‍: അകാരണമായി യുവാവിനെ കള്ളക്കേസില്‍ കുടുക്കി ജയിലിലടച്ച പൊലിസുകാര്‍ക്കെതിരേ നടപടി ആവശ്യപ്പെട്ട് ഡി.വൈ.എഫ്.ഐ പ്രതിഷേധസമരം നടത്തി. കവര്‍ച്ചാ പ്രതികള്‍ക്കൊപ്പം അകാരണമായാണ് പൊലിസ് പാലച്ചിറമാട് സ്വദേശിയായ ഓട്ടോ ഡ്രൈവറെ പിടികൂടിയിരിക്കുന്നത്. സംഭവത്തില്‍ കുറ്റക്കാരായ പൊലിസ് ഉദ്യോഗസ്ഥര്‍ക്കെതിരേ നടപടി സ്വീകരിക്കണം.
ഇടതുപക്ഷ സര്‍ക്കാരിന്റെ പൊലിസ് നയം അട്ടിമാറിക്കാനുള്ള ശ്രമമാണ് ഇതിലൂടെ നടക്കുന്നതെന്നും സംഭവത്തിന്റെ നിജസ്ഥിതി അന്വേഷിച്ച് യഥാര്‍ത്ഥ കുറ്റവാളികളെ പിടികൂടണമെന്നും സംഗമം ആവശ്യപ്പെട്ടു. സി.പി.എം ബ്ലോക്ക് കമ്മിറ്റി അംഗം ടി കബീര്‍ ഉദ്ഘാടനം ചെയ്തു. കൗണ്‍സിലര്‍ ടി.പി സുബൈര്‍, ഡി.വൈ.എഫ്.ഐ ബ്ലോക്ക് സെക്രട്ടറി എം ഇബ്രാഹീം, പ്രസിഡന്റ് സുബ്രഹ്മണ്യന്‍, ട്രഷറര്‍ ടി ശമീം എന്നിവര്‍ സംസാരിച്ചു.