പരപ്പനങ്ങാടി: സമസ്ത കേരള സുന്നി ബാലവേദി മലപ്പുറം വെസ്റ്റ് ജില്ലാ കമ്മിറ്റിയുടെ നേതൃത്വത്തില്‍ കൊടക്കാട് ഈസ്റ്റ് ഹിദായത്തുല്‍ അനാം മദ്‌റസ പരിസരത്ത് നടന്ന 'ഓര്‍മയില്‍ മായാത്ത കെ ടി ഉസ്താദ്' അനുസ്മരണ സമ്മേളനവും അമ്മജുസ്അ് മനഃപാഠമാക്കിയ മദ്‌റസ വിദ്യാര്‍ഥികളെ ആദരിക്കലും എസ്.കെ.എസ്.എസ്.എഫ് ജില്ലാ പ്രസിഡന്റ് സയ്യിദ് ഫഖ്‌റുദ്ദീന്‍ ഹസനി തങ്ങള്‍ ഉദ്ഘാടനം ചെയ്തു. മുസ്തഫ ദാരിമി അധ്യക്ഷനായി.
വിദ്യാര്‍ഥികള്‍ക്കുള്ള ഉപഹാരം തങ്ങള്‍ നല്‍കി. അബ്ദുല്‍ഹമീദ് ഫൈസി അമ്പലക്കടവ് അനുസ്മരണ പ്രഭാഷണം നടത്തി. എം എ ഉസ്താദ് ചേളാരി, സയ്യിദ് ഹുസൈന്‍ ജമലുല്ലൈലി തങ്ങള്‍, എസ്എം തങ്ങള്‍ ചേളാരി, ഹംസ ദാരിമി കാളികാവ്, വള്ളിക്കുന്ന് ഗ്രാമപഞ്ചായത്ത് സ്റ്റാന്റിങ് കമ്മിറ്റി അധ്യക്ഷന്‍ നിസാര്‍ കുന്നുമ്മല്‍, ലുഖ്മാനുല്‍ഹക്കീം ഫൈസി, അനീസ് ഫൈസി മാവണ്ടിയൂര്‍,നൗഷാദ് ചെട്ടിപ്പടി, മുഹമ്മദ് അലി ഫൈസി, സി മുഹമ്മദ് ഫൈസി ദേവതിയാല്‍, സൈതലവി ഫൈസി ചിറമംഗലം, കുന്നുമ്മല്‍ ബീരാന്‍ മാസ്റ്റര്‍, വി പി മുഹമ്മദ്കുട്ടി ഹാജി, കെ ടി ഫാസില്‍ സംസാരിച്ചു.