കാളികാവ്: യൂത്ത് കോണ്‍ഗ്രസ് കാംപയിന് കാളികാവില്‍ തുടക്കം. 2019ല്‍ നടക്കാനിരിക്കുന്ന പാര്‍ലമെന്റ് തെരഞ്ഞെടുപ്പിന്റെ മുന്നോടിയായി മുഴുവന്‍ യുവജനങ്ങളേയും അണിനിരത്തി രാജ്യത്ത് വളര്‍ന്ന് വരുന്ന വര്‍ഗീയതയെയും ഫാസിസത്തെയും എതിര്‍ത്ത് കോണ്‍ഗ്രസ് പാര്‍ട്ടിയുടെ വിജയമുറപ്പിക്കുകയാണു ദിശ കാംപയിന്റെ ലക്ഷ്യം.
കാംപയിന്റ ആദ്യപടിയായി യൂത്ത് കോണ്‍ഗ്രസ് ലീഡേഴ്‌സ് പരിശീലന ക്ലാസാണ് നടത്തിയത്. കാളികാവ് ഇന്ദിരാഭവന്‍ ഓഡിറ്റോറിയത്തില്‍ നടന്ന പരിപാടി ബ്ലോക്ക് കോണ്‍ഗ്രസ് പ്രസിഡന്റ് എ.കെ മുഹമ്മദാലി ഉദ്ഘാടനം ചെയ്തു. മണ്ഡലം യൂത്ത് കോണ്‍ഗ്രസ് പ്രസിഡന്റ് ജാഫര്‍ പൂങ്ങോട് അധ്യക്ഷനായി. വിവിധ വിഷയങ്ങളിലായി സംസ്‌കാര സാഹിതി ജില്ലാ ചെയര്‍മാന്‍ സമദ് മങ്കട, പ്രൊഫ. റിയാസ് പഴഞ്ഞി എന്നിവര്‍ ക്ലാസെടുത്തു. ജില്ലാ പഞ്ചായത്തംഗം ആലിപ്പറ്റ ജമീല, കാളികാവ് ബ്ലോക്ക് പഞ്ചായത്തംഗം ജോജി കെ അലക്‌സ്, എന്‍. മൂസ, പി. യഹ്‌യാഖാന്‍, നഖാസ് ചെങ്കോട് സംസരിച്ചു.