പെരിന്തല്‍മണ്ണ: പി.എസ് വിജയകുമാറിന്റെ 'ഉണങ്ങാ പശ' എന്ന കവിതാസമാഹാരം നിരൂപകനും സാഹിത്യ അക്കാദമി സെക്രട്ടറിയുമായ ഡോ.കെ.പി.മോഹനന്‍ കവി പി.രാമനു നല്‍കി പ്രകാശനം ചെയ്തു. പെരിന്തല്‍മണ്ണയിലെ സാംസ്‌കാരിക കൂട്ടായ്മയാണ് പ്രകാശനപരിപാടി സംഘടിപ്പിച്ചത്. ഡോ.എന്‍.പി. വിജയകൃഷ്ണന്‍ പുസ്തകം പരിചയപ്പെടുത്തി. സി. വാസുദേവന്‍ അധ്യക്ഷനായി. തഹസില്‍ദാര്‍ എന്‍.എം മെഹറലി, പാലക്കീഴ് നാരായണന്‍, ഫസല്‍ റഹ്മാന്‍, റഹ്മാന്‍ കിടങ്ങയം, പി. തുളസീദാസ്, പി.ജി.നാഥ്, സജിത്ത് പെരിന്തല്‍മണ്ണ, കെ.കൃഷ്ണന്‍കുട്ടി, പി.എം ദീപ സംസാരിച്ചു. ഡോ.എസ്.സഞ്ജയ് പുനത്തില്‍ കുഞ്ഞബ്ദുള്ളയെ അനുസ്മരിച്ചു.