തൊട്ടില്‍പ്പാലം: ദേവര്‍കോവില്‍ കെ.വി.കെ.എം.എം യു.പി സ്‌കൂളില്‍ നടക്കുന്ന 58-മത് കുന്നുമ്മല്‍ ഉപജില്ലാ കലോത്സവത്തിന്റെ ഭാഗമായുള്ള മീഡിയ സെന്റര്‍ തുറന്നു.
കലോത്സവത്തിന്റെ പ്രധാന വേദിയായ സ്‌കൂള്‍ ഗ്രൗണ്ടിലാണ് മീഡിയ റൂം പ്രവര്‍ത്തനം തുടങ്ങിയത്. കായക്കൊടി പഞ്ചായത്ത് പ്രസിഡന്റും സംഘാടകസമിതി ചെയര്‍ പേഴ്‌സണുമായ കെ.ടി അശ്വതി മീഡിയ സെന്ററിന്റെ ഉദ്ഘാടനം നിര്‍വഹിച്ചു. ജന. കണ്‍വീനര്‍ പി.കെ നവാസ് അധ്യക്ഷനായി. എ.പി മൊയ്തുഹാജി, വി.പി കുഞ്ഞബ്ദുല്ല മാസ്റ്റര്‍, ഇ. അബ്ദുല്‍ അസീസ് മാസ്റ്റര്‍, എ.ഇ.ഒ കെ. രമേശ്, ജയപ്രകാശ്, കെ.പി കുഞ്ഞമ്മദ്, സതീശന്‍ മാസ്റ്റര്‍, മൂസ ദേവര്‍കോവില്‍, രഘുനാഥ് സി.പി, കെ.മുകുന്ദന്‍, പി.കെ ഹമീദ്, കുമ്പളങ്കണ്ടി അഹമ്മദ് പങ്കെടുത്തു.