ഇസ്‌ലാമാബാദ്: പാക് സര്‍ക്കാര്‍ ഹെലികോപ്ടര്‍ അഫ്ഗാനിസ്ഥാനില്‍ ഇടിച്ചിറക്കിയതിനെ തുടര്‍ന്ന് താലിബാന്‍ കസ്റ്റഡിയിലെടുത്ത ആറു യാത്രക്കാരെ മോചിപ്പിച്ചു. ഇതില്‍ അഞ്ചു പേര്‍ പാകിസ്താനികളും ഒരാള്‍ റഷ്യക്കാരനുമാണ്. പഞ്ചാബ് സര്‍ക്കാരിന്റെ ഹെലികോപ്ടറാണ് ഉസ്‌ബെകിസ്ഥാനിലേക്കുള്ള യാത്രാമധ്യേ കിഴക്കന്‍ അഫ്ഗാനിസ്ഥാനില്‍ ഇടിച്ചിറക്കിയത്. ഇവരെ പാകിസ്താനിലെത്തിച്ചതായി പാക് വിദേശകാര്യ മന്ത്രാലയം അറിയിച്ചു.