പാലാഴി: അന്‍വാറുല്‍ ഇസ്‌ലാം കേന്ദ്ര മദ്‌റസയില്‍ ലീഡര്‍ സ്ഥാനത്തേക്കുള്ള തെരഞ്ഞെടുപ്പ് നടന്നു. സ്ഥാനാര്‍ഥി നിര്‍ണയം, നോമിനേഷന്‍ സമര്‍പ്പിക്കല്‍, ചിഹ്നം, പ്രചാരണ പോസ്റ്റര്‍, നോട്ടിസ്, വോട്ടിങ് സ്ലിപ്പ് വിതരണം തുടങ്ങി പാര്‍ലമെന്ററി തെരഞ്ഞെടുപ്പിന്റെ വിവിധ ഘട്ടങ്ങള്‍ കുട്ടികള്‍ക്കും രക്ഷിതാക്കള്‍ക്കും നവ്യാനുഭവം പകര്‍ന്നു.
പ്രത്യേകം സജ്ജമാക്കിയ പോളിങ് റൂമിലാണ് വോട്ടെടുപ്പ് നടന്നത്. മൂന്ന് ലീഡര്‍ സ്ഥാനാര്‍ഥികളും രണ്ടു ഡെപ്യൂട്ടി ലീഡര്‍ സ്ഥാനത്തേക്കുമായിരുന്നു തെരഞ്ഞെടുപ്പ്. സര്‍ബാസ് പാലാഴി തെരഞ്ഞെടുപ്പ് പ്രവര്‍ത്തനങ്ങള്‍ക്ക് നേതൃത്ത്വം നല്‍കി. മത്സരത്തില്‍ മദ്‌റസാ ലീഡറായി എന്‍. സഫ്‌വാനും ഡെപ്യൂട്ടി ലീഡറായി പി.എം ആയിഷാ ഫിദയും തെരഞ്ഞെടുക്കപ്പെട്ടു.
മഹല്ല് കമ്മിറ്റി പ്രസിഡന്റ് സി.കെ കുഞ്ഞാലി ഹാജി ഫലപ്രഖ്യാപനം നടത്തി. ടി.പി മുഹമ്മദ്, കെ.കെ. അബൂബക്കര്‍, കെ.കെ. കോയ, സി. അബ്ദുല്‍ അസീസ്, വി.പി ഹുസൈന്‍ ദാരിമി, ഹമീദ് ഹമദാനി, അബ്ദുല്‍ വാജിദ് സനൂസി, മുഹമ്മദ് റാഷിദ് സനൂസി, അബ്ദുല്‍ ഗഫൂര്‍ ഹുദവി, എന്‍.പി അബൂബക്കര്‍, യു. റംഷാദ്, പി. ഹനീഫ, പി. അന്‍വര്‍ വിവിധഘട്ടങ്ങള്‍ക്ക് നേതൃത്വം നല്‍കി.