വാഷിങ്ടണ്‍: അമേരിക്കയില്‍ ചെറിയ യാത്രാവിമാനം തകര്‍ന്ന് ആറു പേര്‍ മരിച്ചു. ലാന്റിങിടെ മരത്തിലിടിച്ചാണ് അപകടം. വിര്‍ജിനിയയിലെ ഷാനോണ്‍ വിമാനത്താവളത്തില്‍ ഇറങ്ങാന്‍ ശ്രമിക്കുകയായിരുന്നു വിമാനം.
ലാന്റിങിനു ശ്രമിച്ച വിമാനം പിന്നീട് പറന്നുയരവേ മരത്തിലിടിക്കുകയായിരുന്നുവെന്ന് വിര്‍ജിനിയ പൊലിസ് പറഞ്ഞു. തുടര്‍ന്ന് വിമാനത്തിന് തീപിടിച്ചു. ആറു പേരുടെയും മൃതദേഹങ്ങള്‍ കണ്ടെടുത്തു. വിര്‍ജിനിയക്ക് പുറത്തുള്ളവരാണ് മരിച്ചത്. വ്യോമയാന അധികൃതര്‍ അന്വേഷണം തുടങ്ങിയിട്ടുണ്ട്.