മുക്കം: സുപ്രഭാതം നാലാം വാര്‍ഷിക കാംപയിനില്‍ ജില്ലയില്‍ ഏറ്റവും കൂടുതല്‍ വാര്‍ഷിക വരിക്കാരെ ചേര്‍ത്ത് ശ്രദ്ധേയമായ മുക്കം റെയ്ഞ്ച് സുപ്രഭാതം വരിക്കാര്‍ക്ക് ക്വിസ് മത്സരവുമായി രംഗത്ത്. വായനക്കാരെ കൂടുതല്‍ പത്രത്തിന്റെ ഉള്ളടക്കത്തിലേക്ക് ആകര്‍ഷിക്കുക എന്ന ലക്ഷ്യത്തോടെയാണ് ഒരു വര്‍ഷം നീണ്ടുനില്‍ക്കുന്ന ക്വിസ് മത്സരങ്ങള്‍ക്ക് റെയ്ഞ്ച് പരിധിയില്‍ തുടക്കം കുറിച്ചത്. വാട്ട്‌സ് ആപ്പ് മുഖേന മാസത്തിലെ അവസാന ശനിയാഴ്ച നടത്തുന്ന മത്സരത്തില്‍ വാര്‍ഷിക വരിക്കാര്‍ക്കാണ് പങ്കെടുക്കാന്‍ അവസരം. വിജയിക്ക് റെയ്ഞ്ച് കമ്മിറ്റി കാഷ് പ്രൈസും മുക്കം ട്രാക്ക് കോളജ് നല്‍കുന്ന പ്രത്യേക ഉപഹാരവുമാണ് ലഭിക്കും. ഈ മാസം നടത്തിയ ക്വിസ് മത്സരത്തില്‍ മുക്കം മുസ്‌ലിം ഓര്‍ഫനേജ് മദ്‌റസയിലെ അബ്ദുല്ല മുസ്‌ലിയാര്‍ വിജയിയായി.