കോഴിക്കോട്: വിദ്യാഭ്യാസ രംഗത്തെ കാവിവല്‍ക്കരണത്തിനെതിരേ കെ.എസ്.ടി.യു നാളെ സേവ് എജ്യുക്കേഷന്‍ ഡേ ആചരിക്കും. കോഴിക്കോട് വിദ്യാഭ്യാസ ജില്ലാ കമ്മിറ്റിയുടെ ആഭിമുഖ്യത്തില്‍ കിഡ്‌സണ്‍ കോര്‍ണറില്‍ നടക്കുന്ന പരിപാടി മുസ്‌ലിം ലീഗ് ജില്ലാ പ്രസിഡന്റ് ഉമര്‍ പാണ്ടികശാല ഉദ്ഘാടനം ചെയ്യും. കെ. മൊയ്തീന്‍ കോയ, കെ.എസ്.ടി.യു സംസ്ഥാന സെക്രട്ടറി പി.കെ അസീസ്, റവന്യൂ ജില്ലാ ജനറല്‍ സെക്രട്ടറി കെ.എം.എ നാസര്‍, അബൂബക്കര്‍ പള്ളിത്തൊടിക, സഹീര്‍ ഒളവണ്ണ സംസാരിക്കും.