പേരാവൂര്‍: ഗ്യാസ് സിലിണ്ടറുമായി പോകുകയായിരുന്ന നാഷണല്‍ പെര്‍മിറ്റ് ലോറി അപകടത്തില്‍പ്പെട്ടു.
തലശേരി ബാവലി അന്തര്‍സംസ്ഥാന പാതയില്‍ സെമിനാരി വില്ലക്ക് സമീപമാണ് അപകടം നടന്നത്. തിങ്കളാഴ്ച രാത്രി ഏഴു മണിയോടെയാണ് സംഭവം.
മൈസൂരില്‍ നിന്നു കാടാച്ചിറയിലേക്ക് ഗ്യാസ് നിറച്ച സിലിണ്ടറുമായി പോവുകയായിരുന്ന ഇന്‍ണ്ടേമില്‍ കമ്പനിയുടെ ലോറിയാണ് അപകടത്തില്‍പെട്ടത്.
നിയന്ത്രണം നഷ്ടപ്പെട്ട ലോറി താഴ്ചയിലേക്ക് മറിയുകയായിരുന്നു. അപകടത്തിനിടേ സമീപത്തുണ്ടായിരുന്ന മരത്തില്‍ ഇടിച്ചു നിന്നു. അപകടത്തില്‍ ലോറി ഡ്രൈവര്‍ കൂത്തുപറമ്പ് സ്വദേശി ചിറക്കപ്പാറ നിജിത്ത് പരുക്കേല്ക്കാതെ രക്ഷപ്പെട്ടു.
പേരാവൂര്‍ ഫയര്‍ഫോഴ്‌സിന്റെയും പേരാവൂര്‍, കേളകം സ്റ്റേഷനിലെ പൊലിസ് ഉദ്യോഗസ്ഥരുടെയും നാട്ടുകാരുടെയും നേതൃത്വത്തില്‍ രക്ഷാപ്രവര്‍ത്തനം നടത്തി.