കല്‍പ്പറ്റ: കല്‍പ്പറ്റ ശാന്തി പെയിന്‍ ആന്റ് പാലിയേറ്റീവില്‍ പ്രവര്‍ത്തിക്കുന്ന ഫോറം ഫോര്‍ അഡ്വാന്‍സ്‌മെന്റ് ആന്റ് കമ്യൂനിറ്റി എംപവറിങ് വയനാടിന്റെ കീഴില്‍ ദമ്പതികള്‍ക്കുള്ള ട്രെയിനിങ് കോഴ്‌സായ ഫെയ്‌സ് ഫമിലിയയുടെ ഉദ്ഘാടനം സി.കെ ശശീന്ദ്രന്‍ എം.എല്‍.എ നിര്‍വഹിച്ചു. മാനേജിങ് ട്രസ്റ്റി സയ്യിദലി സി അധ്യക്ഷനായി. സാക്ഷരത മിഷന്‍ ജില്ലാ കോര്‍ഡിനേറ്റര്‍ സോയ നാസര്‍, കുടുംബശ്രീ ജില്ലാമിഷന്‍ അസിസ്റ്റന്റ് കോര്‍ഡിനേറ്റര്‍ ജയചന്ദ്രന്‍ കെ.പി, ശാന്തി പെയിന്‍ ആന്റ് പാലിയേറ്റീവ് കെയര്‍ സൊസൈറ്റി സെക്രട്ടറി ഗഫൂര്‍ താനേരി സംസാരിച്ചു. അബ്ദുസലാം കുന്നമ്പറ്റ സ്വാഗതവും ബുഷ്ഹര്‍ കെ നന്ദിയും പറഞ്ഞു. ട്രെയിനിങ് കോഴിസിന്റെ വിശദ വിവരങ്ങള്‍ക്കും രജിസ്‌ട്രേഷനും 8281833836 നമ്പറില്‍ ബന്ധപ്പെടാം.