കിളിമാനൂര്‍: ഉപജില്ലാ സ്‌കൂള്‍ കലോത്സവം നവംബര്‍ 27 മുതല്‍ 29 വരെ തട്ടത്തുമല ഗവ. എച്ച്.എസ്.എസില്‍ വച്ചും രചന മത്സരങ്ങള്‍ നവംബര്‍ 25ന് കിളിമാനൂര്‍ ടൗണ്‍ യു.പി.എസില്‍ വച്ചും നടത്തുവാന്‍ തീരുമാനിച്ചു. ഇതിനായുള്ള വിപുലമായ സ്വാഗത സംഘം രൂപീകരിച്ചു. തട്ടത്തുമല ഗ.എച്ച്.എച്ച്.എസില്‍ നടന്ന യോഗത്തില്‍ പി.ടി.എ പ്രസിഡന്റ് കെ.ജി.ബിജു അധ്യക്ഷനായി. യോഗം ജില്ലാ പഞ്ചായത്ത് മെമ്പര്‍ ഡി. സ്മിത ഉദ്ഘാടനം ചെയ്തു. യോഗത്തില്‍ പഴയകുന്നുമ്മല്‍ പഞ്ചായത്ത് പ്രസിഡന്റ് സിന്ധു, മടവൂര്‍ പഞ്ചായത്ത് പ്രസിഡന്റ് ഗിരിജ ബാലചന്ദ്രന്‍, കിളിമാനൂര്‍ പഞ്ചായത്ത് പ്രസിഡന്റ് രാജലക്ഷ്മി അമ്മാള്‍, കെ. രാജേന്ദ്രന്‍, എസ്.യഹിയ, ദേവദാസ്, എ.ഇ.ഒ. വി. രാജു, സ്‌കൂള്‍ പ്രിന്‍സിപ്പാള്‍ എസ്. ബാബു സ്‌കൂള്‍ എച്ച്.എം ലക്കി തുടങ്ങിയവര്‍ സംബന്ധിച്ചു.