ഈരാറ്റുപേട്ട : പൂഞ്ഞാറില്‍ സമാപിച്ച ഈരാറ്റുപേട്ട ഉപജില്ലാ സ്‌കൂള്‍ ശാസ്‌ത്രോത്സവത്തില്‍ എല്ലാ വിഭാഗങ്ങളിലും മുസ്‌ലിം ഗേള്‍സ് ഹയര്‍ സെക്കന്‍ഡറി സ്‌കൂള്‍ അധിപത്യം നിലനിര്‍ത്തി.
യു.പി., എച്ച്.എസ്, എച്ച്.എസ്.എസ്. വിഭാഗം ഗണിതം, സാമൂഹ്യശാസ്ത്രം എന്നിവയില്‍ 359 പോയിന്റോടെ ഓവറോള്‍ ഒന്നാം സ്ഥാനം സ്‌കൂളിനു ലഭിച്ചു. എച്ച്.എസ്, എച്ച്.എസ്.എസ്. വിഭാഗം ഐടി, പ്രവൃത്തിപരിചയമേള എന്നിവയിലും സയന്‍സ് യു.പി., എച്ച്.എസ്. വിഭാഗങ്ങളിലും ഓവറോള്‍ ചാംപ്യന്‍ഷിപ്പ് കരസ്ഥമാക്കി.
യു.പി. വിഭാഗം ഐ.റ്റി. യിലും എച്ച്.എസ്.എസ്. വിഭാഗം സയന്‍സിലും ഓവറോള്‍ രണ്ടാം സ്ഥാനവും യു.പി. വിഭാഗം പ്രവൃത്തിപരിചയമേളയില്‍ 1872 പോയിന്റും സ്‌കൂള്‍ കരസ്ഥമാക്കി. എല്ലാ വിഭാഗങ്ങളിലുമായി 115 വിദ്യാര്‍ഥികള്‍ കോട്ടയം ജില്ലാതല ശാസ്‌ത്രോത്സവത്തില്‍ പങ്കെടുക്കാന്‍ അര്‍ഹത നേടി.
കോഴിക്കോട് നടന്ന സംസ്ഥാനതല സയന്‍സ് നാടക മത്സരത്തിലും മലപ്പുറത്ത് നടന്ന സംസ്ഥാന വാര്‍ത്താവായന മത്സരത്തിലും സ്‌കൂളിന് എ ഗ്രേഡ് ലഭിച്ചു. വിജയികളെ സ്‌കൂള്‍ മാനേജ്‌മെന്റ് പി.റ്റി.എ. കമ്മറ്റികള്‍ അഭിനന്ദിച്ചു.