മൊറേന: മധ്യപ്രദേശിലെ മൊറേനയിലെ പാര്‍ക്കില്‍ സ്ഥാപിച്ചിരുന്ന മഹാത്മാ ഗാന്ധിയുടെ പ്രതിമ സാമൂഹ്യവിരുദ്ധര്‍ കത്തിച്ചു. മൊറേനയിലെ ജൗര ഗാന്ധിപാര്‍ക്കിലെ ഗാന്ധിയുടെ അര്‍ധകായ പ്രതിമയ്ക്ക് നേരെയാണ് ആക്രമണം. പൊലിസ് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചു. മുന്‍ പ്രധാനമന്ത്രി ഇന്ദിരാ ഗാന്ധിയുടെ രക്തസാക്ഷിത്വ ദിനവും സര്‍ദാര്‍ വല്ലഭ് ഭായ് പട്ടേലിന്റെ ജന്മദിനവും ആചരിക്കുന്ന ദിവസമാണ് ഗാന്ധിപ്രതിമയ്ക്ക് നേരെ ആക്രമണം ഉണ്ടായത്.