ഗാന്ധിനഗര്‍: ബി.ജെ.പിയുമായി ഇടഞ്ഞു നില്‍ക്കുന്ന ശിവസേന, ഗുജറാത്തില്‍ 25 സീറ്റില്‍ മത്സരിക്കും. ബി.ജെ.പിയുമായുള്ള ബന്ധത്തില്‍ വിള്ളല്‍ വീഴ്ത്തിയാണ് 25 സീറ്റില്‍ മത്സരിക്കുന്നതെന്ന് മുതിര്‍ന്ന സേന നേതാവ് പറഞ്ഞു.
ബി.ജെ.പിയ്‌ക്കെതിരേ ശക്തമായി മത്സരിക്കാന്‍ ഒരുക്കമാണെന്നും പാര്‍ട്ടി സ്ഥാനാര്‍ഥികളെ ഉദ്ധവ് താക്കറെ ഉടന്‍ പ്രഖ്യാപിക്കുമെന്നും ശിവസേനാ വക്താവ് വ്യക്തമാക്കി.
മഹാരാഷ്ട്രയ്ക്ക് പുറത്തും പാര്‍ട്ടിയെ ശക്തിപ്പെടുത്താന്‍ ഇത് സാധ്യമാക്കുമെന്ന വിലയിരുത്തലിലാണ് ശിവസേനാ നേതൃത്വം. ഇതിനിടയില്‍ പട്ടേല്‍ സമുദായ നേതാവ് ഹാര്‍ദ്ദിക് പട്ടേലിനെ പിന്തുണയ്ക്കാനും തീരുമാനിച്ചിട്ടുണ്ട്. നോട്ട് നിരോധനം, ജി.എസ്.ടി തുടങ്ങിയ വിഷയങ്ങളുയര്‍ത്തിക്കാട്ടിയായിരിക്കും ഗുജറാത്തില്‍ തെരഞ്ഞെടുപ്പ് രംഗത്തെ നേരിടുകയെന്നും ശിവസേന നേതാക്കള്‍ അറിയിച്ചു.