ബുലവായോ: വെസ്റ്റിന്‍ഡീസിനെതിരായ രണ്ടാം ക്രിക്കറ്റ് ടെസ്റ്റില്‍ സിംബാബ്‌വെയ്ക്ക് നേരിയ ലീഡ്. നാലാം ദിനം കളി നിര്‍ത്തുമ്പോള്‍ സിംബാബ്‌വെ രണ്ടാം ഇന്നിങ്‌സില്‍ നാല് വിക്കറ്റ് നഷ്ടത്തില്‍ 140 റണ്‍സെന്ന നിലയില്‍. അവര്‍ക്ക് 18 റണ്‍സിന്റെ ലീഡ്. നേരത്തെ സിംബാബ്‌വെയുടെ ഒന്നാം ഇന്നിങ്‌സ് 326ല്‍ അവസാനിപ്പിച്ച വിന്‍ഡീസ് ഒന്നാം ഇന്നിങ്‌സില്‍ 448 റണ്‍സ് കണ്ടെത്തിയിരുന്നു. വാലറ്റത്ത് ഡോവ്‌റിച് (103), ഹോള്‍ഡര്‍ (110) എന്നിവര്‍ നേടിയ സെഞ്ച്വറികളാണ് വിന്‍ഡീസ് സ്‌കോര്‍ 400 കടത്തിയത്.