മലപ്പുറം: മലപ്പുറം ജില്ലയിലെ ചോക്കാട് ബസ് മറിഞ്ഞ് ഒരാള്‍ മരിച്ചു. നിരവധി പേര്‍ക്ക് പരുക്കേറ്റിട്ടുണ്ട്. കാളികാവില്‍ നിന്നും നിലമ്പൂരിലേക്ക് പോകുകയായിരുന്ന 'മക്ക' ബസ് എതിരേ വന്ന ബൈക്കിലിടിക്കുകയായിരുന്നു.

തുടര്‍ന്ന് ബസ് മറിയുകയായിരുന്നു. ബൈക്ക് യാത്രികനായ മഞ്ഞപ്പെട്ടി സ്വദേശിയാണ് മരിച്ചത്. ബൈക്കില്‍ കൂടെയുണ്ടായിരുന്ന മറ്റു രണ്ടു പേരെ ഗുരുതര പരുക്കുകളോടെ ആശുപത്രിയില്‍ പ്രവേശിപ്പിച്ചിരിക്കുകയാണ്. ബസ് യാത്രക്കാരായ നിരവധി പേര്‍ക്കും പരുക്കേറ്റിട്ടുണ്ട്. ഇന്ന് രാവിലെയായിരുന്നു സംഭവം.