കല്‍പ്പറ്റ: ഡിസംബര്‍ 26, 27, 28 തിയതികളില്‍ കല്‍പ്പറ്റയില്‍ നടക്കുന്ന സി.പി.എം ജില്ലാ സമ്മേളനത്തിന്റെ നടത്തിപ്പിന് 1001 അംഗ ജനറല്‍ കമ്മറ്റിയും 151 അംഗ എക്‌സിക്യുട്ടീവ് കമ്മറ്റിയും രൂപീകരിച്ചു. ടൗണ്‍ഹാളില്‍ ചേര്‍ന്ന സംഘാടകസമിതി രൂപീകരണ യോഗം സംസ്ഥാന സമിതി അംഗം പി.എ മുഹമ്മദ് ഉദ്ഘാടനം ചെയ്തു. സി.കെ ശശീന്ദ്രന്‍ എം.എല്‍.എ അധ്യക്ഷനായി. ടി മോഹനന്‍, അഡ്വ.പി ചാത്തുക്കുട്ടി, ഒ.കെ ജോണി, ജോസ് പാഴൂക്കാരന്‍ സംസാരിച്ചു. ജില്ലാ സെക്രട്ടറി എം വേലായുധന്‍ സ്വാഗതവും എം.ഡി സെബാസ്റ്റിയന്‍ നന്ദിയും പറഞ്ഞു. ഭാരവാഹികള്‍: പി.എ മുഹമ്മദ്(രക്ഷാധികാരി). സി.കെ ശശീന്ദ്രന്‍ എം.എല്‍.എ(ചെയ), എം.ഡി സെബാസ്റ്റിയന്‍(ജ.കണ്‍), എം വേലായുധന്‍ (ട്രഷറര്‍).